Na Hrodzienščynie ŭ sadkach buduć uklučać dziaržaŭny himn
Hałoŭnaje ŭpraŭleńnie adukacyi Hrodzienskaj vobłaści skłała dakumient «ab udaskanaleńni raboty pa patryjatyčnym vychavańni», u adpaviednaści ź jakim u siarednich i starejšych hrupach dziciačych sadkoŭ pierad pačatkam zaniatkaŭ «štotydzień abo štodnia» nieabchodna ŭklučać dziaržaŭny himn.
05.05.2022 / 08:36
U dakumiencie paznačana, što mierapryjemstva ŭvodziać «u metach udaskanaleńnia pracy pa patryjatyčnym vychavańni» u ramkach vykanańnia lista Minadukacyi ad 8 krasavika.
Zhodna z dakumientam, dzieciam buduć uklučać himn pierad pačatkam navučalnaha hoda, a ŭ siarednich i starejšych hrupach — štodnia ci štotydzień.
Pavodle hałoŭnaha śpiecyjalista pa pytańniach daškolnaj adukacyi Hałoŭnaha ŭpraŭleńnia adukacyi Hrodna Anžaliki Kuchta, «patryjatyčnaje vychavańnie» vyrašyli aktyvizavać «u suviazi z apošnimi nie zusim pravilnymi padziejami».
Rašeńnie ab tym, ŭklučać himn štodnia abo štotydzień, zastajecca za ustanovaj adukacyi abo rajonam, za jakim jana zamacavanaja.