Zatrymany muzyka Andrej Zadziarkoŭski
Pravaabaroncy paviedamlajuć, što ŭ Minskim rajonie 5 traŭnia supracoŭniki milicyi zatrymali 38-hadovaha Andreja Zadziarkoŭskaha.
07.05.2022 / 18:20
Viadoma, što mužčynu dastavili ŭ IČU Minskaha rajona na vulicy Skaryny. Vierahodna, składzieny pratakoł administracyjnaha pravaparušeńnia. U čym abvinavačvajuć Andreja, pakul nieviadoma. Sud pavinien byŭ prajści 6 traŭnia. Infarmacyi pra jaho niama.
Andrej Zadziarkoŭski zakončyŭ histaryčny fakultet BDU, u volny čas piša elektronnuju muzyku, zaŭsiody razmaŭlaje na biełaruskaj movie.