Na Bajkanury zatrymali brytanskaha błohiera i hramadzianku Biełarusi
Na Bajkanury zatrymali viadomaha błohiera Ryča Biendžamina, jakija viadzie kanał Bald and bankrupt, i hramadzianku Biełarusi — 31-hadovuju Alinu Celupu. Pra heta paviedamiŭ hiendyrektar «Raskosmasu» Dźmitryj Rahozin.
07.05.2022 / 20:45
«U 18.10 msk z Kaśmičnaha centra «Paŭdniovy» (Bajkanur) pastupiŭ dakład ab zatrymańni ŭ rajonie startavaj placoŭki 112 (kala kompleksu «Buran») hramadzianina Vialikabrytanii Ryča Biendžamina i hramadzianki Biełarusi Ziałupy Aliny (Rahozin napisaŭ tak. — NN). Abodva znachodziacca va UUS horada Bajkanur. Viaducca śledčyja dziejańni», — napisaŭ jon.
Z apublikavanych zdymkaŭ pašpartoŭ vynikaje, što proźvišča dziaŭčyny, — Celupa.
Pavodle Rahozina, razmova idzie ab «arhanizacyi supraćpraŭnych dziejańniaŭ».
Jak udakładniaje vydańnie «Miedyjazona», na kanał błohiera padpisany 3,5 miljona čałaviek. Apošnija jahonyja roliki pryśviečanyja Ukrainie, da hetaha jon vypuściŭ niekalki dziasiatkaŭ videa pra Biełaruś.