Žychar Dobruša pierarabiŭ svoj stary «Maskvič» u «Kaciušu»
Vasil Žuraŭloŭ z Dobruša lubić majstravać madeli vajennaj techniki. Sioleta jon zrabiŭ kopiju słavutaj «Kaciušy». 60-kiłahramovuju ŭstanoŭku mužčyna ŭstalavaŭ na svoj «Maskvič», piša sb.by.
09.05.2022 / 22:47
Vasil — šmatdzietny baćka, zahadčyk kłuba ŭ vajskovaj čaści 11724 pad Dobrušam.
«Ja kaliści vučyŭsia na stalara — heta było 20 hadoŭ tamu. Ale pa śpiecyjalnaści nie pracavaŭ — syšoŭ u muzyčnuju sfieru, byŭ viadučym uračystaściaŭ, pracavaŭ u addziele kultury», — raskazvaje mužčyna.
Čatyry hady tamu jon staŭ udzielničać u aŭtaprabiehach da Dnia Pieramohi ŭ svaim rajonie.
Tak dobrušskaja «Kaciuša» vyhladała na 9 Maja. Fota: telehram-kanał «Dobrušski kraj»
«U pieršy raz ź mikrafonnaj stojki zrabiŭ kulamiot, dadaŭ da jaho dysk. Navat pudziła kulamiotčyka było: abmatali skotčam ziacia pa pojas, potym hety skotč razrezali, nabili sałomaj, znajšli padobnaje da vajennaha adzieńnie. Letaś zmajstravaŭ vajenny samalot U-2. Zaraz jon znachodzicca ŭ muziei bajavoj słavy našaj vajskovaj čaści», — dzielicca Žuraŭloŭ.
U muziej jon płanuje pieradać i kopiju «Kaciušy».