Va Ukrainie buduć upieršyniu sudzić rasijskaha vajskoŭca za zabojstva mirnaha žychara
U Sumskaj vobłaści rasijskaha vajskoŭca buduć sudzić za zabojstva mirnaha žychara, paviedamiła hienprakuror Ukrainy Iryna Vieniedyktava.
11.05.2022 / 14:02
Vadzim Šyšymaryn. Skryn
Ofis hienprakurora nakiravaŭ u sud abvinavaŭčy akt u dačynieńni da kamandzira addzialeńnia v/č 32010 4-j tankavaj Kantemiraŭskaj dyvizii Maskoŭskaj vobłaści Vadzima Šyšymaryna.
Pavodle paviedamleńnia Vieniedyktavaj, 21-hadovy rasijski vajskoviec 28 lutaha ŭ Sumskaj vobłaści zabiŭ 62-hadovaha biazzbrojnaha mirnaha žychara, jaki jechaŭ pa abočynie na rovary.
«Kałonu, u jakoj byŭ siaržant Šyšymaryn, raźbili našy USU. Uciakajučy, jon ź jašče 4 kalehami abstralali z aŭtamataŭ pryvatny aŭtamabil i zavałodali im. Na skradzienaj mašynie z prabitymi imi ž kołami zachopniki zajechali ŭ viosku. Pa darozie ŭbačyli mužčynu, jaki viartaŭsia dadomu i razmaŭlaŭ pa telefonie. Adzin z vajskoŭcaŭ zahadaŭ siaržantu zabić cyvilnaha, kab jon nie paviedamiŭ pra ich ukrainskim abaroncam», — zajaviła Vieniedyktava.
Heta pieršy vypadak suda nad rasijskim vajskoŭcam va Ukrainie. Jaho buduć sudzić pa artykule «parušeńnie zakonaŭ i zvyčajaŭ vajny» KK Ukrainy. Jamu pahražaje ad 10 da 15 hadoŭ pazbaŭleńnia voli abo pažyćciovaje źniavoleńnie.