Sud likvidavaŭ jačejku niezaležnaha prafsajuza «Hrodna Azot»
Pa zajavie prakurora Hrodzienskaj vobłaści arhanizacyja Biełaruskaha Niezaležnaha prafsajuza rabotnikaŭ AAT «Hrodna Azot» pryznanaja ekstremisckaj. Dziejnaść jaje zabaronienaja, jana budzie likvidavanaja. Rašeńnie pryniataje Hrodzienskim abłasnym sudom, paviedamlaje Hienprakuratura.
11.05.2022 / 14:34
«Jak ustanoŭlena, dziejnaść nazvanaj piarvičnaj arhanizacyi supiarečyła patrabavańniam zakanadaŭstva i była spałučanaja z raspaŭsiudžvańniem ekstremisckich materyjałaŭ», — havorycca ŭ paviedamleńni Hienprakuratury.
Majomaść arhanizacyi, jakaja zastałasia paśla zadavalnieńnia patrabavańniaŭ kredytoraŭ, pry ŭmovie ich niedatyčnaści da ekstremisckaj dziejnaści, budzie kanfiskavanaja.
U kancy krasavika dziejnaść pieršasnaj arhanizacyi prafsajuza była prypynienaja. Prakuratura zajaŭlała, što arhanizacyja raspaŭsiudžvała ekstremisckija materyjały i zaklikała da zabastovak z palityčnymi patrabavańniami.