Удаву Андрэя Зельцэра пачнуць судзіць 31 мая
Стала вядома, што ў Мінскім гарадскім судзе 31 мая ў закрытым рэжыме пачнуць разглядаць справу Марыі Успенскай. Судовы працэс будзе весці суддзя Валянціна Зянькевіч, піша «Вясна».
12.05.2022 / 18:35
Марыю абвінавачваюць у саўдзеле ў забойстве супрацоўніка КДБ Дзмітрыя Федасюка па ч. 2 арт. 139 Крымінальнага кодэкса.
Марыя Успенская — удава Андрэя Зельцэра, забітага ва ўласнай кватэры пры перастрэлцы з супрацоўнікамі КДБ 28 верасня. У жанчыны ёсць непоўнагадовы сын ад першага шлюбу. Спачатку жанчыну трымалі ў ІЧУ на Акрэсціна, затым перавялі ў СІЗА. На пачатку снежня 2021 стала вядома, што Марыя тры тыдні правяла ў Навінках — яе туды адпраўлялі, каб правесці псіхіятрычную экспертызу.