У Беларусь плануюць імпартаваць да 20 тысяч тон цукру
У Беларусь збіраюцца завезці з-за мяжы да 20 тысяч тон цукру. Пра гэта гаворыцца ў паведамленні прэс-службы Белдзяржхарчпрама.
19.05.2022 / 21:16
Імпартуюць столькі «для забеспячэння збалансаванасці на спажывецкім рынку і прамысловай перапрацоўкі».
Адпаведны аб'ём імпарту вызначыла працоўная група, зыходзячы з тарыфнай ільготы, выдзеленай Еўразійскай эканамічнай камісіяй.
У снежні 2021 года Рада ЕЭК вызначыла тарыфныя квоты на ўвоз цукру да 31 жніўня 2022 года. Беларусі паводле яе дазволілі бяспошлінна завезці да 100 тысяч тон цукру.
У першым квартале імпарт цукру ў Беларусь склаў 383 тоны. Цяперашні запланаваны імпарт перавысіць яго ў 50 разоў.