Litoŭskaha pamiežnika padazrajuć u atrymańni chabaraŭ ad biełaruskich tytuniovych kantrabandystaŭ
Pamiežnika litoŭskaha prapusknoha punkta «Rajhardas» padazrajuć u atrymańni chabaraŭ. Na śled padazravanaha litoŭskija pravaachoŭniki vyjšli paśla vyjaŭleńnia niekalkich bujnych partyj tytuniovaj kantrabandy ŭ lehkavych aŭtamabilach, piša sajt pogranec.by, spasyłajučysia na Słužbu achovy dziaržaŭnaj miažy Litvy.
21.05.2022 / 00:15
16 maja ŭ punkcie propusku Rajhardas spynili try aŭtamabili ź biełaruskimi numarami: Nissan Almera, BMW X5 i Opel Zafira. Kiravali imi biełarusy. Padčas pahłyblenaha ahladu ŭ lehkavuškach vyjavili 3490 pačkaŭ kantrabandnych cyharet marak «Fest», «Minsk Kapitał» i «NZ Hołd».
U toj ža dzień u Kaŭnasie spynili jašče dva aŭtamabili, jakimi kiravali hramadzianie Biełarusi 28 i 33 hadoŭ — BMW X6 i Peugeot 3008. U ich vyjavili 2531 pačak kantrabandnych cyharet marak «Fest»i «NZ Hołd».
Paśla hetaha siłaviki naviedalisia da 24-hadovaha pamiežnika. Pavodle viersii pravaachoŭnikaŭ, padazravany prymaŭ ad biełarusaŭ hrašovuju ŭznaharodu za dapamohu ŭ nielehalnym uvozie bujnych partyj cyharet u Litvu.
U dačynieńni da pamiežnika pačali dasudovaje rasśledavańnie pa fakcie chabarnictva. Paśla dopytu jaho adpuścili pad padpisku ab niavyjeździe.