Niekalki tysiač biełaruskich pryzyŭnikoŭ pryniali siońnia vajennuju prysiahu
Siońnia ŭ złučeńniach i voinskich čaściach Uzbrojenych Sił novaje papaŭnieńnie prymaje vajennuju prysiahu. Heta bolš za 6000 vajskoŭcaŭ, pryzvanych na terminovuju vajskovuju słužbu i słužbu ŭ reziervie, paviedamlaje pres-słužba Ministerstva abarony.
21.05.2022 / 14:11
Bolš za 1000 čałaviek prynieśli prysiahu ŭ 72-m hvardziejskim Abjadnanym navučalnym centry padrychtoŭki praparščykaŭ i małodšych śpiecyjalistaŭ. Va ŭračystych mierapryjemstvach tam braŭ udzieł ministr abarony Viktar Chrenin
— Napieradzie vas čakajuć napružanyja vajskovyja budni — intensiŭnaja bajavaja vučoba, zasvajeńnie vajenna-ŭlikovych śpiecyjalnaściaŭ, avałodańnie sučasnaj technikaj, vučeńni, vajskovyja spabornictvy,— skazaŭ jon. — Pieršy čas budzie niaprosta, bo ciapličnych umoŭ u armii niama. U dalejšym, z honaram prajšoŭšy ŭsie hetyja šmatlikija vyprabavańni vy staniecie sapraŭdnymi abaroncami Ajčyny, honaram baćkoŭ i biełaruskaha naroda, jaki davieryŭ vam samuju hałoŭnuju svaju kaštoŭnaść — mir i spakoj na biełaruskaj ziamli.