U Minsku dziakujučy vidavočcam padazravanaha ŭ zabojstvie zatrymali za 6 chvilin
Zdareńnie adbyłosia ranicaj u subotu. U milicyju pastupiła paviedamleńnie, što ŭ Leninskim rajonie stalicy ad narychtoŭčaha punkta ŭciakaje akryvaŭleny mužčyna. Na miesca vyjechaŭ najbližejšy narad Departamienta achovy.
23.05.2022 / 11:34
Hramadzianie pakazali supracoŭnikam kirunak ruchu nieviadomaha. Milicyjaniery zatrymali ŭciekača kala raki, kali toj sprabavaŭ zmyć ź siabie kroŭ.
Ustanoŭlena, što 49-hadovy miascovy žychar pryjšoŭ u narychtoŭčy punkt zdać dva kiłahramy mietału. Cana jaho nie zadavoliła, paśla čaho uźnik słoŭny kanflikt. Naviedvalnik udaryŭ pryjomščyka niekalki razoŭ u hrudzi nažom, zabraŭ škatułku z vyručkaj i źbieh.
U momant napadu jon znachodziŭsia ŭ stanie ałkaholnaha apjanieńnia.
Raspačataja kryminalnaja sprava za zabojstva.