Памёр сузаснавальнік гурта «Веласіпедыстаў» Дзяніс Кукоўскі
Пра смерць сузаснавальніка гурта «Веласіпедыстаў» Дзяніса Кукоўскага паведаміў у Фэйсбуку вядомы музыкант Аляксандр Памідораў.
24.05.2022 / 18:47
Фота: Фэйсбук
Гурт «Веласіпедыстаў» — сайд-праект лідара Neuro Dubel Аляксандра Кулінковіча, якога не стала ў 2018 годзе. Нядаўна адзначалася ягонае 50-годдзе. А праз 2 гады пасля Кулінковіча памёр і другі вакаліст гурта, Юрый Навумаў.
Аляксандр Памідораў у сувязі з гэтым адзначае: «Нешта сям'я Neuro Dubel нясе невяртальныя страты…»
Апошнім часам Дзяніс Кукоўскі цяжка хварэў, у яго было анкалагічнае захворванне.
Развітанне з Дзянісам пройдзе заўтра, 25 мая 2022 года, у 12:30 на Паўночных могілках у крэматорыі.