Biełaruskich spartoŭcaŭ zaprosiać na rehijanalnyja hulni ŭ Łacinskuju Amieryku
Siarod varyjantaŭ, dla biełaruskich spartśmienaŭ, adchilenych ad udziełu ŭ mižnarodnych spabornictvach za saŭdzieł Biełarusi ŭ rasijskaj ahresii suprać Ukrainy, jość vielmi ekzatyčnyja. Tak, BiełTA paviedamlaje, što biełarusaŭ hatovy zaprasić na svaje rehijanalnyja spabornictvy ŭ Łacinskuju Amieryku Balivaryjanski aljans dla našaj Amieryki.
25.05.2022 / 17:16
Spartyŭnyja hulni Balivaryjanskaha aljansa dla našaj Amieryki (AŁBA) źbirajucca pravieści ŭ 2023 hodzie, a papiarednija padobnyja spabornictvy pravodzilisia ažno 11 hadoŭ tamu ŭ Vieniesuele. Ab rašeńni arhanizacyi ŭ sacyjalnych sietkach paviedamiŭ vykanaŭčy sakratar AŁBA Sača Ljarenci. Jon napisaŭ, što na hulni źbirajucca zaprasić, aprača biełarusaŭ, jašče atletaŭ z Rasii, Kitaja, Irana i Turcyi.
Balivaryjanski aljans dla našaj Amieryki — heta handlova-ekanamičnaje abjadnańnie dziaržaŭ Łacinskaj Amieryki i Karybskaha basiejna, stvoranaje ŭ 2004 hodzie pa inicyjatyvie Uha Čaviesa i Fidela Kastra.
U AŁBA ŭvachodziać dziesiać krain: Balivija, Vieniesueła, Kuba, Nikarahua, Daminika, Antyhua i Barbuda, Sent-Vinsent i Hrenadziny, Sent-Lusija, Hrenada, Sent-Kits i Nevis. Zrešty, i biez taho nie nadta mocnaje abjadnańnie paśla śmierci Uha Čaviesa ŭvohule zaniapała.
Adpaviedna, i Hulni AŁBA — absalutna marhinalnaje ŭ mižnarodnym spartyŭnym kalendary spabornictva. Jakoje da taho ž z 2011 hoda nie ŭdajecca navat arhanizavać, niahledziačy na niekalki sprobaŭ.