The New York Times: Na pačatku maja pry sprobie pierapravy cieraz raku Sievierski Daniec zahinuli kala 400 rasijskich vajskoŭcaŭ
Pradstaŭniki USU raspaviali karespandentu NYT, što rasijskija vajskoŭcy ŭ pieršaj dekadzie maja sprabavali farsiravać Sievierski Daniec u rajonie Biełahoraŭki, kab akružyć ŭkrainskija siły ŭ rajonie Sievieradaniecka.
26.05.2022 / 10:14
Adnak zamiest hetaha vajskoŭcy RF sami apynulisia ŭ atačeńni — im dali pierapravicca na paŭdniovy bierah raki, a zatym adkryli ščylny artyleryjski ahoń, a pa rečyščy raki puścili miny, uzarvaŭšy pierapravy i adrezaŭšy šlach da adstupleńnia.
Karespandentu, jaki pabyvaŭ na miescy bitvy, ukrainskija vajskoŭcy pakazali raźbituju rasijskuju techniku — nie mienš za 15 broniemašyn, a taksama ŭčastak lesu, dzie, jak piša vydańnie, «z dreŭ źvisajuć kavałki rasijskaj uniformy», a «pach cieł, jakija raskładajucca, nievynosny».
Rasijskija vojski nieŭzabavie adnavili ŭzarvanyja pantonnyja pierapravy i znoŭ pasprabavali farsiravać Sievierski Daniec, adnak ich sustreli ŭkrainskija siły, jakija zaniali abaronu.