Улады Севераданецка: Горад фактычна знішчаны
Самай гарачай кропкай ва Украіне застаецца Севераданецк у Луганскай вобласці.
26.05.2022 / 16:56
Фота з тэлеграм-канала Сяргея Гайдая
Па апошніх даных кіраўніка ваенна-грамадзянскай адміністрацыі горада Аляксандра Струка, за апошнія некалькі сутак разбурана 90% жылых пабудоў.
У горадзе застаюцца каля 13 тысяч жыхароў, усе яны хаваюцца ў падвалах і сховішчах, заявіў Струк.
Горад знаходзіцца пад бесперапыннымі абстрэламі, расійскія войскі працягваюць штурм, хоць узяць Севераданецк у кола ім пакуль не ўдаецца.