Ukrainskaja raźviedka: Vajna budzie praciahvacca da zimy
Armija RF zamacoŭvajecca ŭ Chiersonskaj vobłaści, kanstatuje Hałoŭnaje ŭpraŭleńnie raźviedki Minabarony Ukrainy.
27.05.2022 / 11:28
«Pucin nie admaŭlajecca ad svaich płanaŭ. Hetaja vajna budzie zaciahvacca. Z pačatku maja akupacyjnyja vojski pačali ŭmacoŭvać svaju abaronu. Rychtujuć adpaviednyja inžyniernyja zbudavańni, budujecca navat nie adna i nie dźvie, a treciaja linija abarony. I heta kaža pra toje, što Rasijskaja Fiederacyja choča zastacca nadoŭha», — paviedamili ŭ HUR.
«Pucin nikomu nie daviaraje, nikoha nie čuje. U jaho svaje płany adnaŭleńnia Rasijskaj impieryi. Pucin nie admaŭlajecca ad svaich płanaŭ. Hetaja vajna budzie zaciahvacca. Nakolki budzie zaciahnutaja aktyŭnaja faza, heta budzie vierasień miesiac ci heta budzie kastryčnik, ci heta budzie da kanca hoda. Heta zaležyć ad našaha supracivu, ad stanu našych sił abarony i ad toj dapamohi jakuju nam akazvajuć», — raskazaŭ pradstaŭnik Hałoŭnaha ŭpraŭleńnia raźviedki Vadzim Skibicki.
HUR pryviazvaje da 11 vieraśnia — adziny dzień hałasavańnia ŭ Rasii — imaviernaje praviadzieńnie psieŭdarefierendumaŭ abo inšych mierapryjemstvaŭ na akupavanych terytoryjach.
U toj ža čas, 7 kastryčnika ŭ Pucina 70-y dzień naradžeńnia — i vajskoŭcy, vierahodna, zachočuć zrabić jamu «padarunak».