Zajezdžy pradprymalnik abakraŭ mohiłki pad Słuckam
Śledčyja raspačali kryminalnuju spravu pa fakcie kradziažu z mohiłak u vioscy Vasilinki Słuckaha rajona. U kradziažy padazrajecca niemiascovy hramadzianin — pradprymalnik 1987 hoda naradžeńnia, paviedamlaje rehijanalny telehram-kanał.
29.05.2022 / 18:39
Fota ilustracyjnaje
Kali mužčynu zatrymali, jon va ŭsim pryznaŭsia i raskazaŭ, što prajazdžaŭ mima Słucka i vyrašyŭ učynić kradziež na mohiłkach. Jon abyšoŭ mahiły i zabraŭ hranitnyja łampadki z troch pachavańniaŭ. A potym pierapradaŭ hetyja vyraby ŭ Mahilovie.
Pra złačynstva stała viadoma, kali ŭ milicyju źviarnulisia svajaki, jakija nie znajšli łampadak na dvuch pomnikach.
Ciapier mužčynie pahražaje pakarańnie ad hramadskich rabot da 3 hadoŭ pazbaŭleńnia voli pa č. 1 art. 205 (kradziež) Kryminalnaha kodeksa.