U Łuhanskaj vobłaści zahinuŭ francuzski žurnalist
U Łuhanskaj vobłaści Ukrainy zahinuŭ francuzski žurnalist Frederyk Leklerk Imchof, paviedamlaje hromadske.ua. Byŭ abstralany aŭtamabil, u jakim jon byŭ razam z ukrainskim patrulnym palicejskim. Askiepki prabili braniu mašyny i trapili ŭ šyju Leklerka Imchofa. Palicejskaha vyratavała kaska.
30.05.2022 / 16:19
Jak piša kiraŭnik Łuhanskaj abłasnoj vajennaj administracyi Siarhiej Hajdaj, žurnalist rabiŭ materyjał pra evakuacyju mirnych žycharoŭ z rajona, dzie iduć bai. Mierkavałasia na aŭtamabili vyvieźci 10 mirnych žycharoŭ. Paśla hibieli žurnalista evakuacyju spynili.
Fota z telehram-kanała Siarhieja Hajdaja