Палітвязень Міхаіл Хаванскі цалкам адбыў тэрмін і выйшаў на волю
36-гадовы Міхаіл Хаванскі — жыхар Нясвіжа, якога асудзілі да 1 года калоніі агульнага рэжыму па арт. 364 Крымінальнага кодэкса (гвалт альбо пагроза гвалтам у дачыненні да супрацоўніка праваахоўных органаў), піша «Вясна». Сёння ён выйшаў на волю.
30.05.2022 / 17:23
Хаванскага прызналі вінаватым у тым, што на акцыі пратэсту ў Нясвіжы 11 жніўня 2020 года ён ударыў па спіне міліцыянта, які затрымліваў пратэстоўцаў.
Сёння Міхаіл выйшаў на волю з бабруйскай калоніі №2.