U Minsku nie buduć vydavać vizy ŭ Daniju «da dalejšaha paviedamleńnia»
Dackaje pasolstva ŭ Maskvie prypyniła pryjom zajaŭ na vizy ad biełarusaŭ, jakija padajuć dakumienty na terytoryi Biełarusi, paviedamlaje vizavy centr Danii ŭ Minsku.
30.05.2022 / 22:56
Jak havorycca ŭ paviedamleńni, biełarusy ciapier nie zmohuć padavacca ŭ Minsku na atrymańnie karotkaterminovych viz i vidaŭ na žycharstva ŭ Daniju, akramia aficyjnych vizitaŭ. Pryjom zajaŭ prypyniajecca «da dalejšaha paviedamleńnia».
Adsočvać naviny ab adnaŭleńni pryjomu prapanujecca na sajtach pasolstva ŭ Maskvie i vizavaha centra ŭ Minsku, a da hetaha času źviartacca pa atrymańnie karotkaterminovych vizaŭ i vidaŭ na žycharstva možna ŭ vizavyja centry inšych krain.
Raniej ambasada Danii ŭ Maskvie z toj ža farmuloŭkaj užo paviedamiła pra prypynieńnie pryjomu zajaŭ na padaču vizaŭ ad rasiejcaŭ.
Ź siaredziny červienia taksama časova nie buduć prymać zajavy na atrymańnie vizaŭ u Estoniju, Finlandyju i Šviecyju estonskija vizavyja centry ŭ Biełarusi.