U Mahilovie «Čaroŭnyja vojski śpiecyjalnaha pryznačeńnia Rusi» paśla bajavoha karahoda ŭsie apynulisia ŭ aŭtazaku
Za «mierapryjemstvam» 28 maja nazirali miascovyja siłaviki. Milicyjaniery papiaredzili prysutnych, što ličać akcyju niezakonnaj, adnak dali 30 chvilin na vykanańnie abradu, piša «Fłahštok».
31.05.2022 / 16:05
Paśla vykanańnia tanca «čaradziejnaje vojska» było źmieščanaje ŭ aŭtazak.
Pa infarmacyi pravaabaroncaŭ, siarod 20 zatrymanych była adna žycharka Homiela. Paśla dvuch sutak, praviedzienych u IČU, udzielniki akcyi atrymali štrafy pa 10 bazavych vieličyń.
Ideałohija «Čaroŭnych vojskaŭ śpiecyjalnaha pryznačeńnia Rusi» pradstaŭlaje sumieś idej słavianafilstva i rasijskaha pahanstva. Siektanty vierać u raznastajnyja teoryi zmovaŭ i pry dapamozie svaich abradaŭ žadajuć adnavić SSSR.