Rasija pravodzić vučeńni ź jadziernymi kompleksami: zadziejničana bolš za sto adzinak techniki
Vajskoŭcam treba budzie adpracavać vyvad uzbrajeńnia na palavyja pazicyi, marš da 100 km i inšyja zadačy.
01.06.2022 / 08:06
Rasija pravodzić vučeńni z vykarystańniem aŭtanomnych puskavych ustanovak stratehičnych rakietnych kompleksaŭ «Jars». Pra heta rasijskim ŚMI paviedamili ŭ Minabarony RF.
«U Ivanaŭskaj vobłaści aŭtanomnyja puskavyja ŭstanoŭki ruchomaha hruntavoha rakietnaha kompleksu «Jars» Tejkaŭskaha złučeńnia Rakietnych vojsk stratehičnaha pryznačeńnia ździajśniajuć intensiŭnyja manieŭranyja dziejańni na maršrutach bajavoha patrulavańnia ŭ ramkach vučeńniaŭ», — zajavili ŭ vajennym viedamstvie.
Adznačajecca, što ŭ vučeńniach zadziejničana kala tysiačy vajskoŭcaŭ RVSP, a taksama zvyš sta adzinak techniki.
Pavodle aficyjnaj zajavy, vajskoŭcam treba budzie adpracavać pytańni vyvadu rakietnych kompleksaŭ na palavyja pazicyi, ździajśnieńnie maršu da 100 km, arhanizacyju maskiroŭki i inšyja zadačy. Taksama jany źniščać umoŭnych dyviersantaŭ, jakija pa lehiendzie zakłali na šlachu ruchu kałony dystancyjnaje vybuchovaje prystasavańnie.