Śpiavačka Šakira i futbalist Žerar Pikie razvodziacca
Jak paviedamlajuć ispanskija ŚMI, Žerar Pikie i Šakira pacvierdzili čutki, jakich chodziać užo niekalki dzion. Ispanski futbalist i kałumbijskaja śpiavačka vystupili z sumiesnaj zajavaj, u jakoj paviedamili, što vyrašyli razyjścisia.
04.06.2022 / 20:30
Fota: Bryan R. Smith / AFP
U apošnija dni ŭ ŚMI chadziła šmat čutak pra rasstavańnie Žerara Pikie i Šakiry. Kazali, što futbalist bolš nie žyvie sa svajoj siamjoj i što jon zdradžvaŭ śpiavačcy z 20-hadovaj studentkaj.
Ciapier spartśmien i śpiavačka pacvierdzili, što ich adnosiny syšli ŭ minułaje.
«My sa škadavańniem pacviardžajem, što rasstajemsia. Kłapociačysia pra dabrabyt našych dziaciej, jakija źjaŭlajucca našym hałoŭnym pryjarytetam, my prosim vas pavažać kanfidencyjnaść. Dziakuj za razumieńnie», — cytuje vydańnie Mundo Deportivo zajavu, apublikavanuju Šakiraj sa zhody Žerara Pikie.
Sami zacikaŭlenyja nie vydali pryčyn rasstavańnia, tamu nieviadoma, ci praŭda čutki pra mierkavanuju zdradu, jakuju nibyta zrabiŭ ispaniec.