Палітзняволеную Кацярыну Алексіян асудзілі да «хатняй хіміі»
У судзе Заводскага раёна Мінска 3 чэрвеня да двух з паловай гадоў «хатняй хіміі» асудзілі 38-гадовую палітзняволеную Кацярыну Алексіян.
07.06.2022 / 09:43
Суддзя Жанна Хвайніцкая прызнала яе вінаватай па ч. 1 арт. 342 Крымінальнага кодэкса — удзел у дзеяннях, якія груба парушаюць грамадскі парадак.
Кацярыну затрымалі 15 сакавіка ў пад'ездзе яе дома — амаль два з паловай месяцы яна ўтрымлівалася пад вартай у СІЗА-1.
На працэсе «Мінсктранс» выставіў іск за «блакіроўку» дарог у памеры 22 тысячы рублёў — яго вынеслі ў грамадзянскую вытворчасць.