У Дзярждуму ўнеслі законапраект аб адмене пастановы аб прызнанні незалежнасці Літвы
Дэпутат Дзярждумы Яўген Фёдараў («Адзіная Расія») унёс на разгляд законапраект аб адмене пастановы Дзяржсавета СССР аб прызнанні незалежнасці Літоўскай Рэспублікі. Дакумент апублікаваны ў думскай электроннай базе ў сераду.
08.06.2022 / 15:28
Як сцвярджае аўтар ініцыятывы, пастанова Дзяржсавета СССР аб прызнанні незалежнасці Літоўскай Рэспублікі «з'яўляецца незаконнай, паколькі прынятая неканстытуцыйным органам і з парушэннем патрабаванняў артыкулаў <…> Канстытуцыі СССР».
Фёдараў зазначыў, што ў Літоўскай Рэспубліцы не праводзіўся рэферэндум аб выхадзе са складу СССР і не быў усталяваны пераходны перыяд для разгляду ўсіх спрэчных пытанняў.
Паводле Фёдарава, што ў адпаведнасці з артыкулам 67.1 Канстытуцыі Расіі «Расійская Федэрацыя з'яўляецца правапераемнікам СССР на сваёй тэрыторыі», таму пастанова Дзяржсавета СССР ад 6 верасня 1991 года падлягае адмене.