Гандлёвыя сеткі падоўжылі сацыяльную зніжку да канца 2022 года
Гандлёвыя сеткі падаўжаюць дзеянне дзесяціпрацэнтнай сацыяльнай зніжкі для ўразлівых катэгорый насельніцтва да канца 2022 года. Адпаведнае дадатковае пагадненне паміж МАРГ і прадстаўнікамі буйных гандлёвых сетак было падпісана ў сераду 15 чэрвеня, перадае БелТА.
15.06.2022 / 19:32
Фота ілюстрацыйнае
Па словах міністра антыманапольнага рэгулявання і гандлю Аляксея Багданава, са студзеня 2022 года гандлёвымі сеткамі было выпушчана больш за 1,3 мільёна зніжкавых картаў, зніжкі дадзеныя на 10 мільёнаў беларускіх рублёў. Да пагаднення далучыліся 17 гандлёвых сетак.
Сацыяльная зніжка дзейнічае ў беларускіх крамах з 17 студзеня. Яна даецца пенсіянерам, інвалідам, шматдзетным сем'ям і малазабяспечаным слаям насельніцтва. У ліку тавараў, на якія яна распаўсюджваецца, — хлеб, мука, аўсяныя шматкі, пярловыя крупы, сухія макаронныя вырабы, ялавічына, свініна, курынае мяса, малако, кефір, смятана, тварог, яйкі, яблыкі, гародніна і іншыя тавары.