Стала вядома, што інкрымінуюць затрыманаму адвакату Аляксандру Данілевічу
Гэта можна зразумець па інфармацыі са стэнда пасяджэнняў Мінскага гарадскога суда.
17.06.2022 / 14:34
Пра гэта напісаў у сваім тэлеграм-канале адвакат Дзмітрый Лаеўскі.
Зыходзячы з інфармацыі са стэнда з раскладам пасяджэнняў Мінскага гарадскога суда, Аляксандр Данілевіч абвінавачваецца па частцы 3 артыкула 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Беларусі)
Данілевіч — паспяховы адвакат, які спецыялізуецца на прадстаўленні інтарэсаў кліентаў у міжнародным камерцыйным арбітражы. У красавіку 2022 года Аляксандра з-за грамадзянскай пазіцыі звольнілі з Факультэта міжнародных адносінаў БДУ. Ён працаваў там 20 гадоў.
Аляксандр перастаў выходзіць на сувязь 20 мая. Пазней стала вядома, што ён знаходзіцца ў СІЗА КДБ.