Трэнерка скокнула ў басейн і выратавала сінхраністку, якая страціла прытомнасць і пачала тануць ФОТЫ
Амерыканка Аніта Альварэс выступала ў фінале спаборніцтваў салістак на чэмпіянаце свету ў Будапешце, але ў канцы нумара яна раптам пачала тануць.
23.06.2022 / 17:52
Першай зрэагавала трэнерка зборнай ЗША Андрэа Фуэнтэс. Яна скокнула ў басейн проста ў адзенні і паплыла да Аніты. Фуэнтэс здолела выцягнуць спартсменку на паверхню, дзе ўжо чакала дапамога.
Абследаванне не выявіла ніякіх пашкоджанняў. Па папярэдняй інфармацыі, Альварэс страціла прытомнасць з-за перанапружання. Яна працягне выступаць на чэмпіянаце.