Na polska-biełaruskaj miažy zatrymali BMV, skradzieny ŭ Hiermanii
Na polska-biełaruskaj miažy ŭ punkcie propusku «Babroŭniki» zatrymali aŭtamabil BMW X5. Polskija pamiežniki vyśvietlili, što mašynu, za rulom jakoj siadzieŭ 30-hadovy hramadzianin Biełarusi, pierad hetym skrali ŭ Hiermanii.
23.06.2022 / 18:54
Mašyna 2019 hoda vypusku, a jaje cana — 350 tysiač złotych (79,5 tysiačy dołaraŭ). Polskija pamiežniki pišuć, što heta adzin z samych darahich aŭtamabilaŭ z tych, jakija jany zatrymali sioleta. Uvohule ž z pačatku hoda supracoŭnikami pamiežnaha atrada było kanfiskavana 7 transpartnych srodkaŭ na ahulnuju sumu bolš za 1,3 młn złotych.
Kiroŭca zatrymany, palicyja pravodzić rasśledavańnie.