Apaznali pa fota i pakarali chatniaj chimijaj udzielnika akcyj pratestu 2020 hoda
Sud Leninskaha rajona Minska vynies prysud žycharu Barysava Viačasłavu Łasiu, abvinavačanamu ŭ arhanizacyi i padrychtoŭcy dziejańniaŭ, jakija hruba parušyli hramadski paradak (č. 1. art. 342 Kryminalnaha kodeksa). Spravu razhladała suddzia Jułija Šut, paviedamlaje «Viasna».
24.06.2022 / 10:47
Pa materyjałach abvinavačańnia, Viačasłaŭ u adzin z vosieńskich dzion 2020 hoda z 14 hadzin da 19 hadzin znachodziačysia ŭ Minsku, «vykarystoŭvajučy ŭ jakaści pratesnaj simvoliki pałatno bieła-čyrvona-biełaha koleru, stajaŭ i ruchaŭsia pa prajeznaj častcy vulic, błakavaŭ šlach transpartnym srodkam, u vyniku čaho adbyłosia parušeńnie i spynieńnie pracy hramadskaha transpartu».