Ministry sportu 35 krain zaklikajuć vyklučyć Rasiju i Biełaruś ź mižnarodnych spartyŭnych arhanizacyj
Ministry sportu 25 krain Jeŭrasajuza, a taksama Vialikabrytanii, Lichtenštejna, Kanady, Isłandyi, ZŠA, Aŭstralii, Novaj Ziełandyi, Paŭdniovaj Karei, Japonii i Narviehii pryniali sumiesnuju zajavu pa Biełarusi i Rasii ŭ suviazi z vajnoj va Ukrainie, piša Reform.by.
01.07.2022 / 22:22
U zajavie havorycca, što vajna Rasii suprać Ukrainy, jakaja padtrymlivajecca biełaruskimi ŭładami, źjaŭlajecca niespravakavanaj, nieapraŭdanaj i parušaje mižnarodnyja abaviazalnictvy Rasii.
Ministry zaklikajuć:
- prypynić členstva nacyjanalnych rasijskich i biełaruskich spartyŭnych orhanaŭ u mižnarodnych spartyŭnych fiederacyjach;
- pazbavić asob, ciesna źviazanych z uładami Biełarusi i Rasii, u tym liku členaŭ urada, upłyvovych pasad u mižnarodnych spartyŭnych arhanizacyjach;
- nacyjanalnyja i mižnarodnyja spartyŭnyja arhanizacyi nie pavinny tranślavać svaje spabornictvy ŭ Biełarusi i Rasii;
- pry ŭdziele pradstaŭnikoŭ Biełarusi i Rasii ŭ spartyŭnych mierapryjemstvach treba pierakanacca, što jany nie pradstaŭlajuć biełaruskuju abo rasijskuju dziaržavu, zabaranić vykarystańnie dziaržaŭnych ściahoŭ, himnaŭ i hierbaŭ Biełarusi i Rasii.