Palitviaźnia Mikałaja Dziadka pieraviali ŭ hrodzienskuju turmu
Suddzia Horackaha rajona Stanisłaŭ Lašenka 28 červienia pastanaviŭ pieravieści Mikałaja Dziadka na turemny režym terminam na 2 hady i 10 miesiacaŭ.
04.07.2022 / 11:23
U kancy sakavika ŭ kałonii №9 palitviaźnia źmiaścili ŭ PKT na čatyry miesiacy za admovu chadzić na pracu na znak pratestu. Z 15 pa 24 krasavika palitviaźnia ŭtrymlivali ŭ ŠIZA pa dvuch pratakołach, paviedamlaje «Viasna».
Dziadka zatrymali 11 listapada 2020, paśla čaho mocna źbivali i katavali. 10 listapada palitviaźnia asudzili da piaci hadoŭ kałonii pa troch artykułach Kryminalnaha kodeksa. Mikoła nie pryznaŭ vinu ni pa adnym artykule.
Ciapier stała viadoma, što Mikoła znachodzicca ŭ hrodzienskaj turmie № 1.
Padtrymać palitviaźnia: turma № 1, 230023, h. Hrodna, vuł. Kirava, 1 Dziadku Mikałaju Alaksandraviču