Zialenski zvolniŭ Mielnika z pasady pasła Ukrainy ŭ Hiermanii
Prezident Ukrainy Uładzimir Zialenski padpisaŭ ukaz, jakim zvolniŭ pasłoŭ Hiermanii, Vienhryi, Čechii, Narviehii i Indyi.
09.07.2022 / 18:39
Zvalnieńnie pasła Ukrainy ŭ Hiermanii — samaje zaŭvažnaje, bo i sam Mielnik — vielmi jaskravy.
Jon viadomy svaim vostrym jazykom, žurnalisty viaduć śpisy abražanych im ludziej. Prynamsi Mielnik nazvaŭ kanclera FRH «pakryŭdžanaj liviernaj kaŭbasoj», i heta pryžyłosia. Niekatoryja analityki pisali, što takaja dypłamatyja nie idzie na karyść Ukrainie.
Vydańnie Bild sa spasyłkaj na svaje krynicy na pačatku lipienia pisała, što Mielnik nieŭzabavie moža być adklikany ŭ Kijeŭ. Ale nie ŭ jakaści pakarańnia, a na pavyšeńnie.
Pavodle infarmacyi surazmoŭcaŭ haziety, Mielnik budzie pryznačany namieśnikam kiraŭnika MZS Ukrainy.
«Hetaja prapanova była zroblenaja Ministerstvam prezidentu Ukrainy. Andreja Mielnika vielmi ceniać za jaho pracu», — udakładniła krynica vydańnia va ŭradzie Ukrainy.