Samy bahaty čałaviek Ukrainy admaŭlajecca ad svajho miedyjnaha biznesu
Ukrainski miljarder Rynat Achmietaŭ, jaki šmat hadoŭ źjaŭlajecca najbahaciejšym čałaviekam Ukrainy, zajaviŭ, što vymušany vyvieści svaju inviestkampaniju SCM ź miedyjnaha biznesu. Na hetym tydni jahonaja «Miedyja Hrupa Ukraina» admovicca na karyść dziaržavy ad usich efirnych dy spadarožnikavych televizijnych licenzij svaich kanałaŭ i licenzij drukavanych miedyja ŭ Ukrainie. Taksama spynicca dziejnaść anłajn-miedyja hetaj karparacyi, piša «Ukrainskaja praŭda».
11.07.2022 / 19:14
Rynat Achmietaŭ
Pa słovach Achmietava, rašeńnie pradyktavana ŭstupleńniem u siłu zakona «Ab praduchileńni pahroz nacyjanalnaj biaśpieki, źviazanych z praźmiernym upłyvam asob, jakija majuć značnuju ekanamičnuju i palityčnuju vahu ŭ hramadskim žyćci (aliharchaŭ)».
Achmietaŭ padkreśliŭ što «nie byŭ, nie źjaŭlajecca i nie budzie aliharcham». Ale pry hetym šaścimiesiačny termin, vyznačany zakonam dla prodažu miedyjaaktyvaŭ, a taksama rasijskaja ahresija suprać Ukrainy nie dajuć mahčymaści SCM pradać miedyjabiznes na rynkavych umovach.
Miljarder nahadaŭ, što miedyjachołdynh składajecca z 10 efirnych i spadarožnikavych televizijnych kanałaŭ, internet-resursaŭ, drukavanych ŚMI i sučasnaj vytvorčaj miedyjnaj ekasistemy. Ahulny abjom inviestycyj, układzienych u jaho, pieravysiŭ 1,5 młrd dalaraŭ.
U «Miedyja hrupu Ukraina» ŭvachodziać:
- Nacyjanalny efirny telekanał «Ukraina»;
- Zabaŭlalny moładzievy telekanał NŁA TV, tematyčny telekanał «Indyha TV»;
- Tematyčnyja telekanały «Futboł 1/2/3», taksama pradstaŭleny i ŭ HD-viersii;
- Ahulnanacyjanalny infarmacyjny telekanał «Ukraina 24»;
- Rehijanalny «34 telekanał», apieratar spadarožnikavaha viaščańnia Xtra TV, ot-płatforma OLL.TV;
- Mižnarodnyja kanały Ukraine 1, Ukriane 2, NLO TV 2;
- Pradakšn-kampanii «Tele pra», «Dapamožam TB»;
- Miedyja-ahienctva poŭnaha cykłu «Miedyja partniorstva Bainh»;
- Sajt segodnya.ua;
- Krospłatformavy prajekt Vogue UA.