Ukrainskija ŭłady śćviardžajuć, što ŭ Novaj Kachoŭcy byli zabityja rasijski hienierał i aficery
Pradstaŭnik Adeskaj abłasnoj vajennaj administracyi Siarhiej Bratčuk zajaviŭ pra hibiel 150 rasijskich vajskoŭcaŭ, u tym liku hienierała i piaci aficeraŭ, u vyniku ŭdaru Uzbrojenych sił Ukrainy pa ich bazie ŭ akupavanaj častcy Chiersonskaj vobłaści ŭ niadzielu.
12.07.2022 / 11:25
«Paśla papadańnia rakiet HIMARS pa štabie ŭ Chiersonskaj vobłaści zahinuŭ načalnik štaba 22-ha vajskovaha korpusa US RF hienierał-major Nasbulin. Pałkoŭnik Kiens, pra hibiel jakoha my paviedamlali ŭčora, zahinuŭ tam ža. A akramia jaho — kamandzir 20 motastrałkovaj dyvizii pałkoŭnik Andrej Harabiec, načalnik apieratyŭnaha addzialeńnia štaba 20 MSD pałkoŭnik Koval, načalnik artyleryi 20 MSD pałkoŭnik Hardziejeŭ. Usiaho zahinułych bolš za 150», — napisaŭ Bratčuk.
Raniej Hałoŭnaje ŭpraŭleńnie raźviedki Ukrainy paviedamlała pra 12 zahinułych rasijskich vajskoŭcaŭ vysokaha ranhu ŭ vyniku ŭdaru pa składzie bojeprypasaŭ u Novaj Kachoŭcy pobač z Chiersonam.
Rasijski bok hetuju infarmacyju nie kamientavaŭ.