NASA apublikavała fatahrafii razroźnienych kutkoŭ Suśvietu. Pahladzicie, jak heta pryhoža FOTY
Ich zrabiła najnoŭšaja infračyrvonaja kaśmičnaja absiervatoryja «Džejms Ueb».
13.07.2022 / 16:11
U NASA kažuć, što hetyja vyjavy «dapamahajuć znajści adkazy na pytańni, jakija dapamohuć nam lepš zrazumieć naš Suśviet i miesca ŭ im čałavieka».
Hałoŭnym zdymkam, jaki byŭ pradstaŭleny ŭ paniadziełak Džo Bajdenu ŭ Biełym domie, stała fatahrafija masiŭnaha zboru hałaktyk SMACS 0723, jakaja demanstruje samaje detalovaje adlustravańnie rańniaha Suśvietu na siońniašni dzień (pieršaja ŭ našaj padborcy ŭ Telehramie).
Siarod čatyroch inšych abjektaŭ, źniatych «Uebam», byli tumannaść Kila, hihanckaja ekzapłanieta WASP-96 b, tumannaść Paŭdniovaje kalco i zbor hałaktyk Kvintet Stefana, kožnaja ź jakich addalenaja ad Ziamli na tysiačy śvietłavych hadoŭ.