Babrujski piensijanier vyrašyŭ raśpiłavać snarad i ŭ vyniku straciŭ nahu
U vyniku vybuchu snarada časoŭ Druhoj suśvietnaj vajny ŭ Babrujskim rajonie 67-hadovamu mužčynu adarvała nahu, paviedamlaje pres-słužba Śledčaha kamiteta. Paviedamleńnie ab traŭmavańni pastupiła ŭ milicyju dniom 11 lipienia.
13.07.2022 / 16:44
Fota: Śledčy kamitet
Ustanoŭlena, što siamiejnaja para z Babrujskaha rajona na pačatku lipienia ŭ pryviezienym dla ramontnych rabot hruncie znajšła snarad. Kab paźbiehnuć vybuchu ŭ svaim dvary, jaho vykinuli ŭ miełijaracyjny kanał niedaloka ad doma.
Pra heta daviedaŭsia baćka žančyny, jaki haściavaŭ u pary. Jon dastaŭ snarad z vady i vyrašyŭ raśpiłavać jaho elektrainstrumientam.
U vyniku adbyŭsia vybuch, jakim piensijanieru adarvała častku levaj nahi. Jon dastaŭleny ŭ balnicu ŭ ciažkim stanie, ale ciapier jaho žyćciu ničoha nie pahražaje.