SAAZ zaklikaje krainy śvietu viarnuć masačny režym
Suśvietnaja arhanizacyja achovy zdaroŭja (SAAZ) zaklikała ŭsie krainy viarnuć masačny režym, sacyjalnuju dystancyju i testavańnie hramadzian na fonie čarhovaj chvali karanavirusa. Kiraŭnik arhanizacyi Teador Adanam Hiebrejesus paviedamiŭ, što zaniepakojeny pavieličeńniem kolkaści novych vypadkaŭ zaražeńniaŭ i špitalizacyi.
13.07.2022 / 22:23
Pavodle słoŭ Hiebrejesusa, heta stvaraje dadatkovuju nahruzku na miedykaŭ i na ŭžo pierahružanyja sistemy achovy zdaroŭja.
«Novyja chvali zachvorvańniaŭ demanstrujuć, što COVID-19 jašče nie skončyŭsia. Ja taksama zaniepakojeny usio bolšaj kolkaściu śmierciaŭ», — skazaŭ jon, udakładniŭšy, što ciapier dziaržavy znachodziacca «ŭ značna lepšym stanoviščy, čym u pačatku pandemii».
Hiebrejesus dadaŭ, što «isnuje surjozny razryŭ» pamiž navukoŭcami, palitykami i hramadskaściu va ŭsprymańni ryzyki raspaŭsiudžvańnia virusa.