Reuters: «Hazpram» abviaściŭ fors-mažornyja abstaviny pa niekatorych pastaŭkach hazu ŭ Jeŭropu
«Hazpram» abviaściŭ fors-mažornyja abstaviny pa pastaŭkach hazu ŭ Jeŭropu jak minimum adnamu bujnomu zamoŭcu, havorycca ŭ liście karparacyi. Jon datavany 14 lipienia, piša Reuters.
18.07.2022 / 16:54
Fota: Getty Images
U liście havorycca, što «Hazpram», jaki maje manapołiju na ekspart rasijskaha hazu trubapravodnym transpartam, nie moža vykanać svaje abaviazki pa pastaŭkach z-za «nadzvyčajnych» abstavin.
Śćviardžajecca, što punkt ab fors-mažornych abstavinach, jaki spasyłajecca na mahčymaść vychadu biznesu z damoŭnych abaviazkaŭ z-za faktaraŭ, jakija nie zaležać ad jaho, moža być prymienieny da biahučych pastavak, pačynajučy z 14 červienia.
Handlovaja krynica, jakaja prasiła nie nazyvać jaje z-za dalikatnaści pytańnia, paviedamiła, što list tyčyŭsia pastavak praz trubapravod «Paŭnočny patok — 1», asnoŭny maršrut pastaŭki hazu ŭ Hiermaniju i za jaje miežy.
«Hazpram» pakul što kamientaryjaŭ z hetaj nahody nie davaŭ.
Trubapravod «Paŭnočny patok — 1» ciapier zakryty dla štohadovaha techničnaha absłuhoŭvańnia, jakoje pavinna zaviaršycca 21 lipienia. Ale niekatoryja jeŭrapiejskija kłijenty «Hazprama» bajacca, što pastaŭki mohuć nie adnavicca.