U Minabarony Ukrainy paabiacali patapić Čarnamorski fłot i viarnuć Krym
Ukrainskaja armija rychtujecca źniščyć Čarnamorski fłot i viarnuć Krym z dapamohaj zachodniaha ŭzbrajeńnia, zajaviŭ namieśnik ministra abarony krainy Uładzimir Haŭryłaŭ u intervju dla The Times.
19.07.2022 / 17:25
Frehat rasijskaha Čarnamorskaha fłota «Admirał Hryharovič». Fota: AP Photo
Jon adznačyŭ, što praces «začystki» Čornaha mora pačaŭsia sa zdačy rasijskimi vajskoŭcami vostrava Źmiainy. Paralelna USU doŭha naroščvali ŭłasny «supraćkarabielny rakietny patencyjał», ale dahetul nie navažvalisia ŭstupać u adkrytaje supraćstajańnie z Rasijaj.
Pa słovach Haŭryłava, ukraincy nie išli na šturm, čakajučy zamiežnaj zbroi bolšaj dalokaści. Jon dadaŭ, što Rasija pavinna admovicca ad Kryma, kali choča praciahvać isnavać jak dziaržava.
U Kramli adreahavali na słovy Haŭryłava, paviedamiŭšy, što Rasija, maŭlaŭ, niezdarma pačała vajnu. «Zajavy Kijeva tolki pacviardžajuć apraŭdanaść śpiecyjalnaj vajennaj apieracyi», — skazaŭ pucinski pres-sakratar Dźmitryj Piaskoŭ.