Damoŭlenaść ab marskim kalidory dla ekspartu zbožža z Ukrainy źbirajucca padpisać u piatnicu ŭ Turcyi
Kancylaryja prezidenta Turcyi pacvierdziła, što pahadnieńnie ab eksparcie zbožža z Ukrainy marskim šlacham budzie padpisana ŭ piatnicu ŭ Stambule. Pra heta paviedamlaje «Jeŭrapiejskaja praŭda».
21.07.2022 / 21:33
Pradstaŭnik Ukrainy na pieramovach z Rasijaj vykłaŭ detali ekspartu zbožža praz Čornaje mora.
Adznačajecca, što pahadnieńnie budzie padpisana ŭ 16:30 pa miascovym časie ŭ pałacy Dołmabachče. Padčas padpisańnia buduć prysutničać prezident Turcyi Redžep Taip Erdahan i hienieralny sakratar AAN Antoniu Hutereš, jaki ŭžo adpraviŭsia ŭ Stambuł.
Čakajecca taksama ŭdzieł pradstaŭnikoŭ Ukrainy i Rasiei, ale na jakim uzroŭni, nie ŭdakładniajecca.
Raniej Erdahan vykazaŭ nadzieju, što damoŭlenaść ab eksparcie zbožža z Ukrainy budzie finalizavanaja ŭžo na hetym tydni.
Nahadajem, Ukraina na čatyrochbakovych pieramovach u Stambule pa eksparcie ŭkrainskaha zbožža prapanavała stvaryć ałharytm navihacyi ŭ Čornym mory dla biaśpiečnaha sudnachodstva.
Ministr abarony Turcyi Chułusi Akar zajaviŭ, što ŭdzielniki pieramovaŭ u Stambule ŭ sieradu damovilisia ab stvareńni kaardynacyjnaha centra pa eksparcie ŭkrainskaha zbožža marskim šlacham, a adpaviednaje pahadnieńnie budzie padpisana na nastupnym tydni. A hienieralny sakratar AAN Antoniu Hutereš zajaviŭ, što padčas čatyrochbakovaj sustrečy ŭ Stambule baki dasiahnuli «krytyčnaha» prahresu pa pytańni ekspartu zbožža z Ukrainy marskim šlacham.