Palitviaźnia Aleha Jafremienku, jakomu raniej užo ŭzmacniali režym, buduć sudzić za «niepadparadkavańnie» administracyi turmy
22.07.2022 / 11:39
Žychara Viciebska Aleha Jafremienku asudzili pa artykule ab hvałcie ŭ dačynieńni da supracoŭnika MUS (art. 364 KK) padčas vuličnaha šeścia 13 vieraśnia 2020 hoda. Jaho abvinavacili ŭ tym, što na akcyi jon zrabiŭ padsiečku milicyjantu.
9 śniežnia 2020 sud pryznačyŭ Alehu 4,5 hoda kałonii. Adbyvać termin jaho nakiravali ŭ mahiloŭskuju kałoniju №15. Ale praź niekalki miesiacaŭ jamu ŭzmacnili pakarańnie i pieraviali na turemny režym.
Ciapier stała viadoma, što ŭ mahiloŭskaj turmie suprać palitviaźnia ŭzbudzili kryminalnuju spravu pa č. 2 art. 411 KK (złosnaje niepadparadkavańnie patrabavańniam administracyi papraŭčaj ustanovy). Sud nad Aleham adbudziecca 26 lipienia ŭ sudzie Leninskaha rajona Mahilova. Spravu budzie razhladać suddzia Viktoryja Palakova. Viadoma, što ŭ turmie Aleha rehularna źmiaščali ŭ ŠIZA za «parušeńnie paradku».
Turma №4, 212011, h. Mahiloŭ, vuł. Krupskaj, 99-A, Aleh Viktaravič Jafremienka.