Dyrektarka turfirmy padmanuła klijentaŭ na 290 tysiač rubloŭ
Sud u Minsku razhledzieŭ spravu dyrektarki turfirmy, jakaja razdavała turystam stanoŭčyja PŁR-testy. Žančyna zavałodała i sprabavała zavałodać hrašyma bolš čym 100 paciarpiełych, ahulnaja suma skłała amal 290 tysiač rubloŭ, paviedamlaje Onliner.by.
09.08.2022 / 15:27
Fota: AP
Usio adbyvałasia sa śniežnia 2019 hoda pa vierasień 2021-ha. Žančyna zaviała akaŭnt u Instahramie i rekłamavała turahienctva King travel. Dziejničajučy ad ułasnaha imia ŭ jakaści indyvidualnaha pradprymalnika, a taksama ad imia inšaha IP i turahienctva King Travel, jana zaklučała dahavory z turystami i prymała ad ich apłatu.
Paźniej jana kazała turystam, što ŭ ich karanavirus, z-za hetaha davodziłasia pieranosić abo admianiać apłačanyja pajezdki. «Paćviardžeńniem» kavidu byli fiktyŭnyja vyniki łabaratornych daśledavańniaŭ, jakija žančyna vyrabiła zahadzia. U vyniku sud pryznaŭ jaje vinavataj u machlarstvie ŭ asabliva bujnym pamiery.
Z ulikam jašče adnaho prysudu ŭ 2020 hodzie za machlarstva joj pryznačanaje pakarańnie ŭ vyhladzie pazbaŭleńnia voli na 7 hadoŭ i 6 miesiacaŭ sa štrafam 200 bazavych (6,4 tysiačy). Na karyść paciarpiełych spahnanaja kampiensacyja maralnaj i materyjalnaj škody.
Prysud u zakonnuju siłu nie ŭstupiŭ i moža być abskardžany i apratestavany.