Polšča praciahvaje abstaloŭvać aharodžu na miažy ź Biełaruśsiu
Samu fizičnuju zaharodu ź mietału ŭźviali bolš za miesiac tamu. Ciapier viaducca raboty pa ŭstalavańni elektronnych achoŭnych sistem i kamier videanazirańnia, paviedamlaje Pamiežnaja słužba Polščy.
11.08.2022 / 18:31
Kali ŭsio heta zapracuje, navat nablizicca da miažy niezaŭvažanym stanie niemahčyma. A pakul u polskim viedamstvie raskazali, jak jašče niedarobleny barjer užo dapamahaje pamiežnikam. Tak, niahledziačy na piacimietrovuju aharodžu, mihranty — pry dapamozie biełaruskich słužbaŭ, padkreślivajuć palaki — usio roŭna sprabujuć nielehalna trapić u Polšču ź Biełarusi. Ale ich stała našmat mienš.
«Sioleta fiksujem maksimum 80 sprobaŭ niezakonnaha pierasiačeńnia miažy ŭ dzień, a ŭ druhoj pałovie minułaha hoda dachodziła da 800», — paviedamili ŭ Pamiežnaj słužbie.
Mihranty ŭžo nie źbirajucca vialikimi hrupami i nie šturmujuć miažu siłaj, a dziejničajuć hrupami pa niekalki čałaviek. Dziakujučy fizičnamu barjeru spynilisia ataki na polskich pamiežnikaŭ, kidańnie kamianioŭ, butelek, pietardaŭ, aślapleńnie łazierami.