Navapołackaha aktyvista Andreja Hałavyryna asudzili piaty raz zapar. Jon praviadzie ŭ niavoli 75 sutak
Učora paśla 60 sutak za kratami na volu nie vyjšaŭ navapołacki aktyvist Andrej Hałavyryn — na jaho skłali novy pratakoł. Siońnia nad im adbyŭsia čarhovy sud. Suddzia Zinaida Bałabołava pakarała jaho 15-sutačnym aryštam, paviedamlaje «Viasna».
16.08.2022 / 14:25
Andreja zatrymali 15 červienia i źmiaścili ŭ Navapołacki CIP. Paśla hetaha nad im prajšli čatyry sudy za padpisku i reposty z «ekstremisckich» kanałaŭ (art. 19.11 KoAP) i kožny raz suddzia Bałabołava aryštoŭvała aktyvista na 15 sutak. Ahułam Andreja buduć utrymlivać za kratami minimum 75 sutak.
Jašče padčas pieršaha aryštu mužčyna pieranios hipiertaničny kryz.
Vy možacie padtrymać Andreja listami salidarnaści pa adrasie: CIP, vuł. Dziaržynskaha, 2, h. Navapołack, Viciebskaja vobłaść, 211443, Andrej Vitaljevič Hałavyryn.