У Слуцку абнавілі спартпляцоўку, але дзеці не могуць на ёй гуляць на поўную сілу
У рэдакцыю слуцкага «Кур'ера» звярнуўся хлопец, які распавёў, што яму не падабаецца на спартыўнай пляцоўцы на вуліцы Зялёнай.
18.08.2022 / 13:19
«Паглядзіце на наступствы гульні на новым футбольным полі на вуліцы Зялёнай. Ледзь не лопнуў свой мяч, а вось у майго сябра ўжо два трэснулі. Як можна было дадумацца зрабіць вострыя кручкі крыху вышэй за перакладзіну? Спадзяваюся, хутка выправяць. А цяпер там проста страшна біць па варотах», — напісаў Андрэй.
«Кур'ер» паглядзеў, што на варотах на самай справе ёсць кручкі, за якія мацуецца сетка. Іх канцы звернутыя як раз да поля, і пападанне па перакладзіне або штанзе можа абярнуцца парваным мячом.