Цягнік насмерць збіў пенсіянера пад Чавусамі
Цягнік насмерць збіў 68-гадовага мужчыну ў Чавускім раёне, паведамляе прэс-служба УУС Магілёўскага аблвыканкама. Трагедыя здарылася 16 жніўня на перагоне «Чавусы — Верамейкі» паблізу вёскі.
18.08.2022 / 18:59
Фота ілюстрацыйнае
Паводле папярэдняй інфармацыі, пешаход ішоў у адным з цягніком кірунку блізка да шляхоў. Машыніст ужыў гукавы сігнал і экстранае тармажэнне, але пазбегнуць наезду не ўдалося.
Таксама няшчасны выпадак на чыгунцы адбыўся ўчора ў Быхаве. Пасажырскі цягнік злучэння «Магілёў-Жлобін» падчас адпраўлення збіў 54-гадовую магіляўчанку, якая ўпала з перона на чыгуначныя шляхі. Жанчына з траўмамі шпіталізаваная.