Čujucca vybuchi ŭ Sievastopali, mierkavana na aeradromie «Bielbiek»
Źjaŭlajecca taksama ŭsio bolš paviedamleńniaŭ, što ŭviečary 18 žniŭnia abstrelany vajskovy aeradrom «Bielbiek» u paŭnočnaj častcy Sievastopala. Miascovyja žychary paviedamlajuć pra «mahutnyja vybuchi» ŭ rajonie aeradroma.
18.08.2022 / 23:00
Taksama pra huki vybuchaŭ raskazali surazmoŭcy vydańnia «Ahienctva» ź Sievastopala i raźmieščanaha pobač z horadam Bachčysarajskaha rajona, jakija žyvuć za niekalki kiłamietraŭ ad aeraporta «Bielbiek». Pa słovach adnaho z surazmoŭcaŭ «Ahienctva», u rajonie aeradroma bačny dym.
Pieršy vybuch u Sievastopali było čuvać u 22:00, druhi— u 22:35.
Ahienctva Reuters paviedamlaje jak minimum pra 4 vybuchi.
Raspaŭsiudžvajecca i videa, na jakim, jak śćviardžajecca, mohuć być źniatyja akurat vybuchi na «Bielbieku». Paćviardžeńniaŭ hetamu, praŭda, pakul niama.
Akupacyjny «hubiernatar Sievastopala» Michaił Razvažajeŭ paviedamiŭ, što kala «Bielbieka» nibyta byŭ siłami rasijskaj SPA źbity bieśpiłotnik, «paciarpiełych niama».