Acer pradstaviŭ noŭtbuk, stvorany z pierapracavanaha śmiećcia
Kampanija Acer pradstaviła pieršy «Chrombuk», aryjentavany na ramontaprydatnaść i nastupnuju pierapracoŭku. Madel Chromebook Vero 514 častkova vyrablenaja z pierapracavanaha płastyku. Da prykładu, korpus źmiaščaje 30% takoha materyjału, a kaŭpački kłavijatury i dynamiki — 50%.
25.08.2022 / 16:37
Pavierchnia tačpada ŭvohule całkam vyrablenaja z płastyka, vyłaŭlenaha ŭ akijanie.
Taksama varta zhadać pra pavyšanuju tryvałaść i zdolnaść noŭtbuka vytrymać padzieńnie z vyšyni bolš za mietr, a taksama najaŭnaść standartnych vintoŭ i prostaj kanstrukcyi, što palapšaje ramontaprydatnaść.
Što tyčycca zvyčajnych paramietraŭ, to «Chrombuk» atrymaŭ 14-dziujmavy ekran Full HD, pracesar Intel Core i7 pakaleńnia Alder Lake, 16 HB AZP, SSD abjomam 512 HB i akumulatar, jakoha chopić na 10 hadzin pracy.
Usio heta kaštuje 500 dalaraŭ i zjavicca ŭ prodažy ŭ kastryčniku.