«Kupańnie» — novy multvierš ad Andreja Skurko, zasnavany na realnych padziejach!
Štotydzień kanał BAYBUS prezientuje novyja vieršy aŭdyjoknihi paeta, redaktara «Našaj Nivy» i palitviaźnia Andreja Skurko, jakija jon piša za kratami dla svajho maleńkaha syna Tamašyka.
27.08.2022 / 20:43
Siońnia prapanujem vam novy vierš «Kupańnie» — heta amal detektyŭ, dzie ŭsio skončyłasia dobra dziakujučy tatu. I heta realnaja historyja!
Hladzicie, čytajcie i vučycie jaho sa svaimi dzietkami. Andreju budzie pryjemna.
A tym časam hetyja vioršy ciapier možna pračytać i na papiery. Dniami ŭ vydaviectvie «Technałohija» vyjšła kniha Andreja Skurko «Pra słanoŭ i barsučkoŭ». U joj 65 vieršaŭ, na kožnaj staroncy — jarkija malunki, a ŭ kancy knihi — QR-kod, pa jakim možna hladzieć hetyja ž vieršy ŭ multfilmach.
Knižka ŭ apravie (cviordaja vokładka), na dobraj papiery. Nabyć možna samavyvazam u Minsku, a taksama z dastaŭkaj pa Biełarusi i za miažu (płaciažy prachodziać, pošta pracuje vydatna), paviedamlaje «Technałohija».
Hladzicie, čytajcie, vučycie vieršy Andreja, dy abdymajcie adzin adnaho.